यो माया को संसार

मैलें छल गरेर कसैलाई
कति दिन पो सक्थेंर
एक दिन त माया गर्नु नै थियो
मैले लोभ गरी आफ्नोपनको
कति दिन पो सक्थेंर
एक दिन त माया मार्नु नै थियो

कतैबाट वतासझैं सुस्तरी सुस्तरी
मरै पासमा बहे थ्यौ
नचाहदा पनि तिमि
मेरो मनमा गडेथ्यौ
साथ साथ संगै मसंग तिमी हिडेथ्यौ
मेरो सारा दु:ख हटाऊन भिडेथ्यौ

छोडि जान्न भन्थ्यौ तिमिले
कति दिन पो सक्थ्यौर
एक दिन त छोडी जानुनै थियो
लिन्न पिडा भन्थ्यौ तिमी
कति दिन पो सक्थ्यौर
निस्ठुरी समय आऊनु नै थियो

माया गरेर तिमीले अनन्त मनले
अंगालोमा बांधि पबित्र तनले
न्यानो मायाको काखमा राखी
प्रेम सागरमा डुबाएका थियौ

कसरी पस्यो हामी बिचमा फाटो
थुन्न खोजेंथें सबै बाटो घाटो
अन्तिम सम्म पनि मेरै पिर थियो
तिम्रा सामु लडाऊने भिर थियो
समाऊन त खोजेंथें सकीन मैले
अर्को जुनि मिल्ने हो कहिले

पर्खि बस्नु है म आउछु त्यहिं
दोबाटोमै कुरि बस्नु
मेरो बाटो हेरि रहनु,
अन्त कतै तिमि न फस्नु
मैलें छल गरेर कसैलाई
कति दिन पो सक्थेंर
एक दिन त माया गर्नु नै थियो

मैले लोभ गरी आफ्नोपनको
कति दिन पो सक्थेंर
एक दिन त माया मार्नु नै थियो